Headhunters (2011) ഹെഡ് ഹണ്ടര്‍സ് (2011)

എം-സോണ്‍ റിലീസ്  102

Headhunters (2011)
ഹെഡ് ഹണ്ടര്‍സ്  (2011)
ഭാഷ                 : നോര്‍വീജിയന്‍
സംവിധാനം :  മോര്‍ട്ടന്‍ ടൈല്‍ഡം

പരിഭാഷ: സജേഷ് കുമാര്‍
Frame rate      :  24 FPS
Running time   : 100  minutes (1:40:06)
#info               : 8259F6B52D9572B9FEDB39B3E3CF800BFE857DDA


Download Link

Headhunters (2011) Opensubtitles
Headhunters (2011) DropBox

റോജര്‍ ബ്രൗണ്‍ നോര്‍വേയിലെ വലിയ headhunter (recruitment) ബിസിനസ്  നടത്തുന്ന ആളാണ്. ഇത് കൂടാതെ തന്റെ ക്ലയിന്റെ കയ്യില്‍ നിന്ന്  പെയിന്റിംഗ്സ് മോഷ്ടിച്ച് മറിച്ചു വില്‍ക്കുന്ന ഏര്‍പ്പാടും കൂടിയുണ്ട് അയാള്‍ക്ക് . മോഷ്ടിക്കാന്‍ ഉദ്ദേശിക്കുന്ന വീട്ടിലെ സെക്യൂരിറ്റി അലാറം ആ സമയത്ത് ഓഫ്‌ ചെയ്തു വെച്ച് അതിനു് അയാളെ സഹായിക്കുന്നത് security surveillance ഉദ്ധ്യോഗസ്ഥന്‍ അയ ഓവ് ആണ്. തന്റെ ഭാര്യയുടെ ആര്‍ട്ട്‌ ഗാലറിയില്‍ വെച്ച്  റോജര്‍ക്ക് ഭാര്യ ക്ലാസ് ഗ്രേവ്  എന്നൊരാളെ പരിചപ്പെടുത്തി കൊടുക്കുന്നു. ക്ലാസ് ഗ്രേവിന്റെ അടുത്ത് വളരെ വിലപിടിപ്പുള്ള ഒരു പെയിന്റിംഗ് ഉണ്ടെന്നു റോജര്‍ തന്റെ ഭാര്യയില്‍ നിന്ന് അറിയുന്നു. തുടര്‍ന്ന്  റോജര്‍ അത് മോഷ്ടക്കാനുള്ള തയ്യാറെടുപ്പുകള്‍ നടത്തുന്നു.

ആ മോഷണത്തിന് ശേഷം വീട്ടിലെത്തിയ റോജര്‍ പിറ്റേ ദിവസം രാവിലെ തന്റെ കാറിനുള്ളില്‍ തന്റെ സഹായി ആയ ഓവ് മരിച്ചു കിടക്കുന്നത് കാണുന്നു. തുടര്‍ന്നങ്ങോട്ടുള്ള റോജറിന്റെ ഓട്ടമാണ് ഈ സിനിമ . ക്ലാവ് ഗ്രേവ് യഥാര്‍ത്ഥത്തില്‍ ആരാണ് ? അയാള്‍ എന്തിനാണ്  റോജറിനെ പരിചയപ്പെടുന്നത് ?  തുടങ്ങിയ കാര്യങ്ങള്‍ ആണ് വളരെ നല്ല ഒരു ത്രില്ലെര്‍ മൂഡില്‍ ഈ സിനിമ പറയുന്നത്. ഡള്ളായ ഒരു നിമിഷം പോലുമില്ലാത്ത, ഇന്റലിജെന്റ് സ്ക്രിപ്റ്റ്.

(സിനോപ്‌സിസിന് കടപ്പാട് : Naveesh Thalassery ന്റെ Movie Street ലെ റിവ്യൂ)

Download Link

Headhunters (2011) Opensubtitles
Headhunters (2011) DropBox

The Hunt (2012) ദി ഹണ്ട് (2012)

എം-സോണ്‍ റിലീസ് - 101
The Hunt (2012)
ദി ഹണ്ട് (2012)

ഭാഷ: ഡാനിഷ്

2012 ലെ കാന്‍ ഫിലിം ഫെസ്റ്റിവലില്‍ നായകന്‍ മാഡ് മിക്കെല്‍സന് മികച്ച നടനുള്ള അവാര്‍ഡ് നേടിക്കൊടുത്ത ചിത്രം. സാമൂഹിക പ്രസക്തമായ വിഷയം എന്നതിനേക്കാള്‍ ആര്‍ക്കും എപ്പോള്‍ വേണമെങ്കിലും വന്നുഭവിക്കാവുന്നൊരു ദുര്‍വിധിയെ പറ്റിയാണ് ദി ഹണ്ട് പ്രതിപാദിക്കുന്നത്.

കുട്ടികള്‍ക്ക് നേരെയുള്ള ലൈംഗിക അതിക്രമങ്ങള്‍ എല്ലാ രാജ്യത്തും സ്ത്രീപീഡനത്തെക്കാള്‍ ഗൌരവകരമായ കുറ്റമായിരിക്കെ സിനിമയില്‍ അവതരിപ്പിച്ച ഡെന്മാര്‍ക്കിലെ ചെറിയ സമൂഹം ആഗോള സമൂഹത്തിന്‍റെ പരിശ്ചേദമാകുന്നു. ഇത്തരം വിഷയങ്ങളില്‍ ഇന്നു പതിവായ മാധ്യമവിചാരണ മനപ്പൂര്‍വം ഒഴിവാക്കിയിരിക്കുന്നു. ലളിതമായി പറഞ്ഞ കഥയുടെ ചട്ടക്കൂടില്‍ നിന്നും വ്യതിചലിക്കാതിരിക്കാനും ക്ലീഷേകള്‍ ഒഴിവാക്കാനും അതുകൊണ്ട് സാധിച്ചിരിക്കുന്നു.


നോട്ടിനു കടപ്പാട്: ലോക സിനിമയിലൂടെ
പരിഭാഷ: ഉമ്മര്‍ ടി.കെ

The Hunt aka Jagten (2012) Opensubtitles

The Hunt aka Jagten (2012) Dropbox

Seven Samurai (1954) സെവന്‍ സമുറായ് (1954)

എം-സോണ്‍ റിലീസ് - 100
സെവന്‍ സാമുറായ് (1954)
Seven Samurai (1954)

ഭാഷ: ജാപ്പനീസ്
പരിഭാഷ: ശ്രീദര്‍

Download Link

Seven Samurai (1954) Opensubtitles

Seven Samurai (1954) Dropbox

എം-സോണ്‍ തങ്ങളുടെ നൂറാമത് റിലീസ് പങ്കുവയ്ക്കുകയാണ്. അകിര കുറോസവയുടെ സെവന്‍ സാമുറായ് ആണ് നൂറാമത്തെ ഞങ്ങളുടെ സിനിമ. 

വാര്‍ ആക്ഷന്‍ ഹീസ്റ്റ് സിനിമകളുടെ കഴിഞ്ഞ നൂറ്റാണ്ടിന്റെ ഇന്സ്പിറേഷനും തുടക്കവും എന്നൊക്കെ പറയപ്പെടാവുന്ന മാസ്റ്റര്‍പീസ്‌ ആണ് കുറോസവയുടെ ഈ ചിത്രം. ഇത് കഴിഞ്ഞു വന്ന നിരവധി അനവധി ഹോളിവുഡ് ചിത്രങ്ങള്‍ക്ക് ഈ ചിത്രം കാരണമായി. ഒരു ജോണറിന്റെ തന്നെ തുടക്കം. 

പരിഭാഷ: ശ്രീദര്‍

വിശധമായ ഒരു റിവ്യൂ (English) ഇവിടെ വായിക്കാം

Great Movies Review Series by Roger Ebert - Seven Samurai

Seven Samurai (1954) Opensubtitles

Seven Samurai (1954) Dropbox

The Way Back (2010) ദി വേ ബാക്ക് (2010)

എം-സോണ്‍ റിലീസ് 99
The Way Back (2010)
ദി വേ ബാക്ക് (2010)

Download Link

The Way Back Open Subtitles

The Way Back Dropbox

1941 ല്‍ സൈബീരിയന്‍ അടിമക്യാമ്പില്‍ നിന്ന് രക്ഷപ്പെട്ട് മൂന്ന്‍ ആളുകള്‍ ടിബറ്റ് വഴി ഇന്ത്യയില്‍ എത്തുന്നു. അവര്‍ അപ്പോഴേക്കും 4000 മൈല്‍ നടന്നിട്ടുണ്ടായിരുന്നു.ഈ സിനിമ അവരുടെയും അവരുടെ ഒപ്പം രക്ഷപ്പെട്ട മറ്റ് നാല് ആളുകളുടെയും പിന്നീട് അവരുടെ ഒപ്പം ചേര്‍ന്ന ഒരു യുവതിയുടെയും കഥയാണ് പറയുന്നത്.ഈ സംഘത്തില്‍ സ്വഭാവികമായി വന്ന നേതാവാണ് ജാനസ്.പോളണ്ടുകാരനായ അയാളുടെ ഭാര്യയെ ടോര്‍ച്ചര്‍ ചെയ്തു കിട്ടിയ വിവരങ്ങളുടെ അടിസ്ഥാനത്തിലാണ് അയാള്‍ ക്യാമ്പില്‍ എത്തുന്നത്. വന്യജീവിതം അയാള്‍ക്ക് വശമുണ്ട്.മഞ്ഞു കാറ്റ് ശക്തമായ ഒരു രാത്രിയിലാണ് അവര്‍ രക്ഷപ്പെടുന്നത്. ഈ സംഘത്തില്‍ ഒന്നിലും വിശ്വാസമില്ലാത്ത ഒരു അമേരിക്കക്കാരന്‍,ഒരു റഷ്യന്‍ കൊള്ളക്കാരന്‍,തമാശക്കാരനായ ഒരു അക്കൌണ്ടന്‍റ്, പാചകവും ചിത്രരചനയും അറിയാവുന്ന ഒരാള്‍, ഒരു വൈദികന്‍,നിശാന്ധത ബാധിച്ച ഒരു പോളണ്ടുകാരന്‍ എന്നിവര്‍ ഉള്‍പ്പെടുന്നു, ഒരാളെ എപ്പോഴാണ് ഉപേക്ഷിച്ചു പോകേണ്ടത് എന്ന ധാര്‍മ്മിക പ്രശ്നം അവരെ അലട്ടുന്നു.... വ്യത്യസ്ഥമായ ഭൂപ്രകൃതികളും പല കാലാവസ്ഥാ വ്യതിയാനങ്ങളും അനുഭവഭേദ്യമാണ് ഈ സിനിമയില്‍.

The Way Back Open Subtitles

The Way Back Dropbox

The Last Emperor 1987 ദ ലാസ്റ്റ് എംപറര്‍ (1987)

എംസോണ്‍ റിലീസ് - 98
The Last Emperor (1987)
ദ ലാസ്റ്റ് എംപറര്‍ (1987)

പരിഭാഷ      : അരുണ്‍ ജോര്‍ജ്ജ്
Frame rate        :  23.976 fps
Running time   : 163 minutes (2:43:06)
#info                : 4D8776049A83B1792A5871C9A33F3868E3F4EADD


Download Link

The Last Emperor (1987) Opensubtitles
The Last Emperor (1987) DropBox

ബെര്‍ണാഡോ ബര്‍ട്ടോലൂച്ചി സംവിധാനം ചെയ്ത് 1987ല്‍ ഇറങ്ങിയ ഇംഗീഷ് ചലച്ചിത്രം. ചൈനയുടെ അവസാന ചക്രവര്‍ത്തിയായിരുന്ന ക്വിങ്ങ് രാജവംശത്തിലെ ഐസിന്‍-ജിയോറോ പുയി(Aisin-Gioro Pu Yi) യുടെ സംഭവബഹുലമായ ജീവിതം ഇതിവൃത്തമാക്കി നിര്‍മ്മിച്ച ഈ ചിത്രം ഒരുപാട് നിരൂപക/പ്രേക്ഷക പ്രശംസ പിടിച്ചു പറ്റിയ ഒന്നാണ്.

ഐസിന്‍-ജിയോറോ പുയി യുടെ മൂന്നാം വയസ്സിലെ ചക്രവര്‍ത്തിയായിയുള്ള കിരീടധാരണം മുതല്‍, യവ്വനത്തിലെ കൊട്ടാരത്തില്‍ നിന്നുള്ള പടിയിറക്കവും, ജപ്പാന്‍റെ കളിപ്പാവയായി രണ്ടാം ലോകയുദ്ധകാലത്ത് മഞ്ചൂരിയയുടെ ചക്രവര്‍ത്തിയായുള്ള ഭരണകാലവും, തുടര്‍ന്ന്‍ നീണ്ട പതിനഞ്ച് വര്‍ഷത്തോളം കമ്യൂണിസ്റ്റ്‌ ഭരണത്തിന്‍കീഴില്‍ യുദ്ധകുറ്റവാളിയായിയുള്ള തടവറവാസത്തോടെ ചക്രവര്‍ത്തിയില്‍ നിന്നും പച്ചയായ മനുഷ്യനിലേക്കുള്ള അദ്ദേഹത്തിന്റെ പരിണാമം വരെ ഈ ചിത്രത്തില്‍ അതീവ ഹൃദ്യമായി അനാവരണം ചെയ്തിരിക്കുന്നു. മികച്ച ചിത്രത്തിനുള്‍പ്പടെ 9 അക്കാദമി അവാര്‍ഡുകള്‍ കരസ്ഥമാക്കി. ഭൂരിഭാഗവും ചൈനയില്‍ കമ്യൂണിസ്റ്റ്‌ സര്‍ക്കാരിന്റെ അനുമതിയോടെ  യഥാര്‍ത്ഥ ലൊക്കേഷനുകളില്‍ വച്ച് തന്നെ ചിത്രീകരിച്ചിരിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

പരിഭാഷ      : അരുണ്‍ ജോര്‍ജ്ജ്
Frame rate        :  23.976 fps
Running time   : 163 minutes (2:43:06)
#info                : 4D8776049A83B1792A5871C9A33F3868E3F4EADD


Download Link

The Last Emperor (1987) Opensubtitles
The Last Emperor (1987) DropBox

Mandela: Long Walk to Freedom (2013) മണ്ടേല: ലോംഗ് വാക്ക് ടു ഫ്രീഡം (2013)

എംസോണ്‍ റിലീസ് - 97

Mandela: Long Walk to Freedom (2013)
മണ്ടേല: ലോംഗ് വാക്ക് ടു ഫ്രീഡം (2013)
ഭാഷ                 : ഇംഗ്ലീഷ്
സംവിധാനം : ജസ്റ്റിന്‍ ചാഡ്‌വിക്ക്

പരിഭാഷ      : പി. പ്രേമചന്ദ്രന്‍
Frame rate      : 23.976 FPS
Running time   : 141  minutes (2:21:14)
#info               : D42A3A32C1F0426F56C3694071835A048E560EB8


Download Link

Mandela: Long Walk to Freedom (2013) Opensubtitles
Mandela: Long Walk to Freedom (2013) DropBox

വര്‍ണ്ണവെറിയുടെ മൂര്‍ത്ത രൂപമായിരുന്ന ദക്ഷിണാഫ്രിക്കന്‍ അപ്പാര്‍ത്തീഡ് വ്യവസ്ഥിതിക്കെതിരെ കറുത്തവര്‍ഗ്ഗക്കാര്‍ നടത്തിയ സ്വാതന്ത്ര്യ പോരാട്ടത്തിന്റെ ഇതിഹാസ നായകന്‍ നെല്‍സണ്‍ മണ്ടേലയുടെ അതെ പേരിലുള്ള ആത്മകഥയെ ആസ്പദമാക്കി വില്ല്യം നിക്കോള്‍സണ്‍ തിരക്കഥ എഴുതിയ ചിത്രത്തില്‍ ബ്രിട്ടീഷ് നടന്‍ ഇദ്രീസ് എല്‍ബാ മണ്ടേലയെ അവതരിപ്പിക്കുന്നു. ഇരുപതാം നൂറ്റാണ്ടിന്റെ ആദ്യ ദശകങ്ങളില്‍ (മണ്ടേലയുടെ ജനനം 1918- ജൂലൈ 8-ന് ആയിരുന്നു) വര്‍ണ്ണ വിവേചനം കൊടുമ്പിരിക്കൊണ്ട നാളുകളില്‍ സൗത്ത് ആഫ്രിക്കയിലെ ഒരു ഗ്രാമത്തില്‍ ജനിച്ച മണ്ടേലയുടെ കുട്ടിക്കാലവും സ്വാതന്ത്ര്യ ബോധത്തിലേക്ക്‌ അന്നേ ഉണര്‍ന്നു വരാനിടയായ ഗോത്ര നിഷകര്‍ഷകളുടെയും ശിക്ഷണങ്ങളുടെയും നാളുകളും മുതലാണ്‌ ചിത്രം ആരംഭിക്കുന്നത്. ചിത്രത്തില്‍ മിക്ക ഭാഗങ്ങളിലും മണ്ടേലയുടെ സ്വന്തം ശബ്ദമാണ് ശബ്ദ സാന്നിധ്യ (voice-over) മാവുന്നത്. ആഫ്രിക്കന്‍ നാഷണല്‍ കൊണ്ഗ്രസ്സി (ANC) ലെയ്ക്കും സ്വാതന്ത്ര്യ സമരങ്ങളുടെ മുന്നണിയിലേക്കുമുള്ള മണ്ടേലയുടെ കടന്നുവരവും, ഇരുപത്തേഴു വര്‍ഷം നീണ്ടു നിന്ന കാരാഗൃഹ വാസവും ചിത്രത്തില്‍ തീവ്രമായി അവതരിപ്പിക്കുന്നുണ്ട്.

വിന്നീ മണ്ടേല (നവോമി ഹാരിസ്) യുമായുള്ള പ്രണയവും വിവാഹവും കുടുംബവുമായുള്ള ഊഷ്മള ബന്ധവുമൊക്കെ കടന്നു വരുമ്പോഴും, ആരെയും കാണാനോ, ആരോടും എഴുത്തിലൂടെ പോലും ബന്ധം സ്ഥാപിക്കാനോ കഴിയാതെ പോയ ജയില്‍ ജീവിതകാലത്തും തന്റെ സ്വാതന്ത്ര്യമല്ല, ദക്ഷിണാഫ്രിക്കയിലെ മുഴുവന്‍ കറുത്ത വര്‍ഗ്ഗക്കരന്റെയും സ്വാതന്ത്ര്യമാണ് വിഷയം എന്ന് ഊന്നിപ്പറഞ്ഞ വിപ്ലവകാരിയെ ചിത്രത്തില്‍ കാണാം. അത് ഉറപ്പു വരുത്താന്‍ കഴിയാത്ത കാലത്തോളം തനിക്കു മാത്രമായി സ്വാതന്ത്ര്യം ആവശ്യമില്ല എന്ന മണ്ടേലയുടെ ഉറച്ച നിലപാടാണ് അപ്പാര്‍ത്തീഡ് ഗവണ്മെന്റിനെ ഒടുവില്‍ കറുത്ത വര്‍ഗ്ഗക്കരുമായി അധികാരം പങ്കിടുക എന്ന പരിഹാരത്തിലേക്കും മണ്ടേലയുടെ മോചനത്തിലേക്കും നിര്‍ബന്ധിതരാക്കുന്നത്. വിന്നിയുമായി അഭിപ്രായ വ്യത്യാസത്തിലേക്കും തുടര്‍ന്ന് വിവാഹ മോചനത്തിലേക്കും എത്തിക്കുന്നത് അക്രമാസക്തമായ നിലപാടുകളോട് പുറം തിരിയാനുള്ള മണ്ടേലയുടെ തീരുമാനം കൂടിയാണ്.

മണ്ടേലയുടെ എന്നത് പോലെ തന്നെ ആ കാലഘട്ടത്തിന്റെ കൂടി കഥയാണ്‌ ചിത്രം പറയുന്നത്. സുദീര്‍ഘമായ ജയില്‍ വാസ കാലത്തും പുറത്തു നാട്ടില്‍ നടക്കുന്ന തുടിപ്പുകളൊക്കെയും അദ്ദേഹത്തിന്റെ ജീവിതത്തിന്റെ ഭാഗമായിരുന്നു എന്നത് കൊണ്ട് തന്നെയാണ് അതൊക്കെയും തീവ്രമായിത്തന്നെ ചിത്രത്തില്‍ കടന്നു വരുന്നത്. പ്രസ്ഥാനത്തിന്റെയും അത് നടത്തിക്കൊണ്ടിരുന്ന സമരങ്ങളുടെയും തുടര്‍ച്ച തന്നെയായിരുന്നല്ലോ അദ്ദേഹത്തിന്റെ ജയില്‍ മോചനാനന്തര കാലത്തെയും നിര്‍വ്വചിച്ചത്. ചരിത്രം അത് ജീവിച്ചവര്‍ക്ക് മാത്രമല്ല, അതിന്റെ പിന്‍തുടര്‍ച്ചക്കാര്‍ക്ക് കൂടിയുള്ളതാണ് എന്നതാണ് ഓരോ ചരിത്ര പുരുഷനും ചരിത്ര സന്ധിയും നല്‍കുന്ന പാഠവും.

ചിത്രത്തില്‍ നിരൂപകര്‍ ഏറ്റവും കൂടുതല്‍ വാഴ്ത്തിയ ഘടകം ഇദ്രിസ് എല്‍ബയുടെ അഭിനയം തന്നെയാണ്. വിന്നിയായി അഭിനയിച്ച നവോമി ഹാരിസും ഏറെ പ്രശംസ നേടുകയുണ്ടായി.

(സിനോപ്സിസിന് കടപ്പാട് Movietalks)

Download Link

Mandela: Long Walk to Freedom (2013) Opensubtitles
Mandela: Long Walk to Freedom (2013) DropBox

The Chaser (2008) ദി ചേസര്‍ (2008)

എംസോണ്‍ റിലീസ് - 96

The Chaser (2008)
ദി ചേസര്‍ (2008)
ഭാഷ             : കൊറിയന്‍

പരിഭാഷ    : അഖില്‍ കൊളരാട്
Frame rate    : 25 fps
Running time :123 minutes
#info              : e18a79dc84c3ddfe8f6f02a21c2df4d207390748


Download Link
The Chaser (2008) Opensubtitles
The Chaser (2008) DropBox

പോലീസില്‍ നിന്നും പുറത്താക്കപ്പെട്ട ഒരു കൂട്ടിക്കൊടുപ്പുകാരന്‍ ആണ് ജൂംഗ്-ഹോ.അയാള്‍ പണം മുടക്കി വാങ്ങിച്ച രണ്ടു പെണ്‍കുട്ടികളെ കാണാതാകുന്നു.അവര്‍ ഒളിച്ചോടി പോയതായിരിക്കാം അല്ലെങ്കില്‍ അവരെ ആരെങ്കിലും തട്ടിയെടുത്ത് വിറ്റതായിരിക്കാം എന്ന് അയാള്‍ വിചാരിക്കുന്നു.

ഒരിക്കല്‍ പെണ്‍ക്കുട്ടിയെ ആവശ്യപ്പെട്ടു വിളിച്ച ഒരു യുവാവാണ് നേരത്തെ ഉണ്ടായ തിരോധാനങ്ങള്‍ക്ക് പിന്നില്‍ എന്ന് അയാള്‍ കരുതുന്നു.എന്നാല്‍ ആ യുവാവ് ആവശ്യപ്പെട്ടത് പോലെ ഒരു പെണ്‍ക്കുട്ടിയെ ഈ കാര്യം മനസ്സിലാക്കുന്നതിന് മുന്‍പ് അയക്കുകയും ചെയ്യുന്നു. ജൂംഗ് -ഹോ ആ സ്ത്രീയോട് അവിടെ എത്തിയതിനു ശേഷം തന്നെ വിളിക്കാന്‍ ആവശ്യപ്പെടുന്നു.എന്നാല്‍ അവിടെ നിന്നും വിളി വരുന്നില്ല. സംശയത്തില്‍ ഉള്ള യുവാവിനെ ജൂംഗ്-ഹോ ആകസ്മികമായി കണ്ടെത്തുന്നു. അയാള്‍ പോലീസില്‍ ഉള്ള സുഹൃത്തുക്കളോട് സഹായം ചോദിക്കുന്നു ..എന്നാല്‍ പോലീസില്‍ ഉള്ള സുഹൃത്തുക്കള്‍ക്ക് അയാളെ സഹായിക്കാന്‍ കഴിയുന്നതിനു മുന്‍പ് അവിടത്തെ രാഷ്ട്രീയ സ്ഥിതി മോശമാകുന്നു. പോലീസിന്‍റെ മുന്നില്‍ കൊണ്ട് വന്ന യുവാവ് താന്‍ കുറെ കൊലപാതകങ്ങള്‍ നടത്തിയിട്ടുണ്ടെന്ന് പറയുന്നു. രാഷ്ട്രീയ സംഭവ വികാസങ്ങളില്‍ നിന്നും ജനങ്ങളുടെ ശ്രദ്ധ തിരിച്ചു വിടാന്‍ വേണ്ടി തെളിയാതെ കിടക്കുന്ന കേസുകള്‍ കുത്തിപ്പൊക്കി അയാളാണ് അതെല്ലാം ചെയ്തതെന്ന് വരുത്താന്‍ അവര്‍ ശ്രമിക്കുന്നു. എന്നാല്‍ ആ യുവാവ് കൊലപതാകത്തിന്റെ എണ്ണം വീണ്ടും കൂട്ടുന്നു. കൂടുതല്‍ കൊലപാതകങ്ങള്‍ അയാള്‍ ഏറ്റു പറയുന്നു. എന്നാല്‍ തെളിവുകള്‍ ഒന്നും ഇല്ല അത് സ്ഥാപിക്കാന്‍.

അവിടത്തെ നിയമം അനുസരിച്ച് പന്ത്രണ്ടു മണിക്കൂറിനുള്ളില്‍ തെളിവുകള്‍ കിട്ടി ഇല്ലെങ്കില്‍ ആ യുവാവിനെ വെറുതെ വിടേണ്ടി വരും. അയാള്‍ പറഞ്ഞത് വിശ്വസിക്കാതെ ജൂംഗ് -ഹോ തന്‍റേതായ രീതിയില്‍ അന്വേഷിക്കുന്നു. പോലീസ് അവരുടെ രീതിയിലും. ആ യുവാവ് പറഞ്ഞതാണോ സത്യം? അതോ മറ്റു വല്ലതും ഇതിലുണ്ടോ? പന്ത്രണ്ടു മണിക്കൂറില്‍ തെളിവുകള്‍ കിട്ടുമോ? സത്യങ്ങളുടെ കുരുക്കഴിക്കാന്‍ അവര്‍ക്ക് സാധിക്കുമോ? ആ സ്ത്രീകള്‍ക്ക് എന്ത് സംഭവിച്ചു? അവരുടെ തിരോധാനത്തില്‍ യുവാവിന്‍റെ പങ്കെന്ത്? ഇത്രയും ചോദ്യങ്ങളുടെ ഉത്തരം ആണ് ചിത്രം.
(സിനോപ്സിസിന്  കടപ്പാട്  Rakesh Manoharan ന്‍റെ ബ്ലോഗ് )

Download Link

The Chaser (2008) Opensubtitles
The Chaser (2008) DropBox

Oldboy (2003) - ഓൾഡ്‌ബോയ്‌ (2003)

എംസോണ്‍ റിലീസ് - 95

Oldboy (2003)

ഓൾഡ്‌ബോയ്‌ (2003)

ഒരു സാധാരണ മനുഷ്യൻ - അയാളെ ആരോ തട്ടിക്കൊണ്ടു പോയി ഏകാന്ത തടവിൽ പാർപ്പിക്കുന്നു. 15 വർഷത്തെ തടവിനു ശേഷം വിട്ടയക്കുന്നു. താൻ അനുഭവിച്ച ദുരിതത്തിനു ഉത്തരം തേടി അതിനു പ്രതികാരം ചെയ്യാൻ അയാൾക്ക്‌ 5 ദിവസം. പ്രതികാരത്തിനായുള്ള ഓട്ടത്തിനോടുവിൽ അയാൾക്ക്‌ മുന്നിൽ തെളിയുന്നത് ചില ഞെട്ടിപ്പിക്കുന്ന സത്യങ്ങൾ ആണ്. പ്രതികാരം ചെയ്യാനായി ഒരാൾ എത്രമാത്രം സഹിക്കാൻ തയ്യാറാവും ?

ഭാഷ                     : കൊറിയൻ

പരിഭാഷ : ശ്രീധർ

Translation : Sree Dhar

Frame rate : 23.976 FPS

Running time : 119 minutes (1:59:56)

#info : 2c55d2cd53c374f32e4396dc8f2d3e9d92800892

Download Link

Oldboy (2003) Opensubtitles
Oldboy (2003) DropBox

Last Year at Marienbad (1961) ലാസ്റ്റ് ഇയര്‍ അറ്റ് മരിയന്‍ബാദ് (1961)

എംസോണ്‍ റിലീസ് - 94

Last Year at Marienbad (1961)
ലാസ്റ്റ് ഇയര്‍ അറ്റ് മരിയന്‍ബാദ് (1961)
ഭാഷ : ഫ്രെഞ്ച്
സംവിധാനം : അലന്‍ റെനെ

പരിഭാഷ : ഹുസൈന്‍ K.H
Frame rate : 29 FPS
Running time : 89 minutes (1:28:48)
#info : 04664a5a0f347515414c314e12c78db672d45d17

Download link
Last Year at Marienbad (1961) Opensubtitles
Last Year at Marienbad (1961) DropBox

 

യുദ്ധത്തിനെതിരായുള്ള ചലച്ചിത്രങ്ങളില്‍ ഏറെ പ്രസിദ്ധമാണ് അലന്‍ റെനെയുടെ 'ഹിരോഷിമ മോണ്‍ അമര്‍'. മനുഷ്യരുടെ കൂട്ടക്കുരുതി വ്യക്തിമനസ്സിന്റെ ശവപ്പറമ്പായി മാറുന്നതിന്റെ കഥയാണത്. പ്രമേയം സാമൂഹ്യപരമാകുമ്പോഴും വ്യക്തിയുടെ ആന്തരികലോകത്തെയാണ് അലന്‍ റെനെ അതില്‍ ചിത്രീകരിച്ചത്.

'മരിയന്‍ബാദിലെ പോയവര്‍ഷ' ത്തില്‍ സമൂഹം ഉപരിവര്‍ഗ്ഗത്തിന്‍റെ ചെറിയൊരു വൃത്തത്തില്‍ , ഒരു കൊട്ടാരത്തില്‍ അടയ്ക്കപ്പെട്ടിരിക്കുന്നു. റെനെയുടെ കണ്ണില്‍ അവരുടെ ലോകം മരവിച്ചതാണ്. ജീര്‍ണ്ണിച്ച പൂന്തോപ്പാണത്. ജഢീകരിച്ചതും ചലനമറ്റതുമാണ്. ഓര്‍മ്മകള്‍ പോലും ഓര്‍മ്മത്തെറ്റുകളാണ്. പ്രണയം അവിടെ ഒരു ഇല്യൂഷന്‍ മാത്രമാണ്. അവിടെ കളിക്കുന്ന കളികള്‍പോലും വിസ്മയങ്ങള്‍ ജനിപ്പിക്കാത്തവിധം  ഏകപക്ഷീയമാണ്.

ജഢത്വം മുറ്റിനില്‍ക്കുന്ന ഒരു ലോകത്തിന്റെ നിശ്ചലദൃശ്യങ്ങളെ എങ്ങനെ ചലനാത്മകമാക്കാമെന്നതിന്റെ മികച്ച ചലച്ചിത്രോദാഹരണമാണ് മരിയന്‍ബാദ്. സ്മൃതികള്‍ക്കും വിസ്മൃതികള്‍ക്കുമിടയിലുള്ള അനന്തമായൊരു ചാഞ്ചാട്ടമാണ് അതിന്റെ ചിത്രസന്നിവേശം. നിഴലും വെളിച്ചവും കെട്ടുപിണഞ്ഞ അതിന്റെ പ്രതലത്തില്‍ നിഴലുകളില്ലാത്ത പരിസരവും അനക്കമറ്റ മനുഷ്യരും പ്രത്യക്ഷപ്പെടുന്നു. ഉപരിപ്ലവമെന്നു വിശേഷിപ്പിക്കാവുന്ന കഥാതന്തുവും ശ്ലഥബിംബങ്ങളായിത്തീരുന്ന കാലവും കണ്ണിച്ചേര്‍ക്കപ്പെടുന്നത് ശബ്ദങ്ങളിലൂടെയാണ്. കവിതയോടടുത്തുനില്‍ക്കുന്ന ഒരു തിരക്കഥയുടെ ചലച്ചിത്രഭാഷ്യം കൂടിയാണ് മരിയന്‍ബാദ്.

സിനിമയിലെ സ്ഥലവും കാലവും, ചലനവും നിശ്ചലതയും, ദൃശ്യവും ശബ്ദവും, യാഥാര്‍ത്ഥ്യവും അയഥാര്‍ത്ഥങ്ങളും, ഒറ്റപ്പെട്ടവരും ആള്‍ക്കൂട്ടങ്ങളും, നിരന്തരം വേര്‍പെടുകയും സൗമ്യമായി കൂട്ടിച്ചേര്‍ക്കപ്പെടുകയും ചെയ്യുന്ന മരിയന്‍ബാദ് അരനൂറ്റാണ്ടിനു ശേഷവും ചലച്ചിത്ര വിദ്യാര്‍ത്ഥികള്‍ക്ക് വിസ്മയകരമായൊരു പാഠപുസ്തകമായി നിലകൊള്ളുന്നു.

Download link
Last Year at Marienbad (1961) Opensubtitles
Last Year at Marienbad (1961) DropBox

Ip Man 2 (2010) - യിപ് മാൻ 2 (2010 )

എംസോണ്‍ റിലീസ് - 93

Ip Man 2 (2010)
യിപ് മാൻ 2 (2010 )

ഭാഷ : കാന്റൊണീസ് (ചൈനീസ്‌)

പരിഭാഷ : നെസീഫ് വൈക്കോച്ചിറ

Translation : Neseef Vaikochira
Frame rate : 23.976 FPS

Running time : 108 minutes (1:47:48)
#info : B00DD28A440E4F425FC4114288270E855A3BDD4C

പ്രശസ്ത നടനും കങ്ങ്-ഫൂ വിദഗ്ദ്ധനും ആയ ബ്രൂസ് ലീയുടെ ഗുരുവായ യിപ് മാന്റെ ജീവിതത്തെ ആസ്പദമാക്കി എടുത്ത ചിത്രം. 1949 ൽ ഹൊങ്ങ് കോങ്ങിലേക്ക് പലായനം ചെയ്തതിൽ പിന്നെ, അവിടെ വിംഗ് ചുൻ എന്ന ആയോധന കല വളർത്തിയെടുക്കാനുള്ള അദ്ദേഹത്തിന്റെ ശ്രമങ്ങളാണ് ഈ പടത്തിന്റെ കഥ.  

Download link 

Ip Man 2 (2010) Opensubtitles

Ip Man 2 (2010) DropBox

The Good, The Bad The Ugly (1966) - ദ ഗുഡ്, ദ ബാഡ് ദ അഗ്ലി (1966)

എംസോണ്‍ റിലീസ് - 92

The Good, The Bad The Ugly (1966)  

ദ ഗുഡ്, ദ ബാഡ്  ദ അഗ്ലി (1966) 

ഭാഷ : ഇംഗ്ലീഷ്

പരിഭാഷ : ശ്രീധർ

Translation : Sree Dhar
Frame rate : 23.976 FPS

Running time : 178 minutes (2:58:42)
#info : 80BC9D85B81180BF0DA309B3F9B899B4DB8B8095

കൌബോയ് വെസ്റ്റേണ്‍ ശൈലി ഒരു തരങ്കമാക്കി മാറ്റിയ ചിത്രം. അമേരിക്കയിലെ ആഭ്യന്തരയുദ്ധകാലത്ത് ഒരു നിധിക്ക് വേണ്ടിയുള്ള 3 പേരുടെ പോരാട്ടത്തിന്റെ കഥയാണ് ഈ ചിത്രത്തിൽ പറയുന്നത്. പട്ടാളത്തിന്റെ കയ്യിൽ നിന്നും കൊള്ളയടിക്കപ്പെട്ട ഒരു ഒരു പണപ്പെട്ടി ഇരിക്കുന്ന സ്ഥലം അന്വേഷിച്ചു അമേരിക്കൻ ആഭ്യന്തര യുദ്ധത്തിനിടയിൽ പരസ്പര വിശ്വാസമില്ലാത്ത ബ്ലോണ്ടി (ദ ഗുഡ്), എയ്ഞ്ചൽ ഐസ് (ദ ബാഡ്) ടുകോ (ദ അഗ്ലി) എന്ന മൂന്നു പേർ നടത്തുന്ന ഒരു സംഭവ ബഹുലമായ യാത്രയെ കുറിച്ചാണ് ഈ ചിത്രം.
ദീർഘകാലമായി IMDB Top 250 യിൽ 6 ആം സ്ഥാനം.

സംവിധാനം : സേർജിയോ ലിയോണി
അഭിനേതാക്കൾ : ക്ലിന്റ് ഈസ്റ്റ്‌വുഡ്, ലീ വാൻ ക്ലിഫ്, ഇലായി വാല്ലാഷ്

Download link 
The Good, The Bad and The Ugly (1966) Opensubtitles

The Good, The Bad and The Ugly (1966) DropBox

Memories of Murder (2003) മെമ്മറീസ് ഓഫ് മർഡർ (2003)

എംസോണ്‍ റിലീസ് - 91

മെമ്മറീസ് ഓഫ് മർഡർ (2003)

Memories of Murder (2003)

സംവിധാനം : ബൊങ്ങ് ജൂണ്‍-ഹോ


ദക്ഷിണ കൊറിയയിലെ ഒരു കൊച്ചു ഗ്രാമത്തിലെ അതിക്രൂരമായ ഒരു ബലാത്സംഗ കൊലപാതക പരമ്പരക്ക് വിരാമമിടാൻ അവിടത്തെ പോലീസുകാർ നടത്തുന്ന വിഫലശ്രമങ്ങളുടെ വിവരണം. ദക്ഷിണ കൊറിയയിൽ 80 കളിലെ പട്ടാളഭരണ കാലത്ത് നടന്ന ഒരു യഥാര്‍ത്ഥ കുറ്റാന്വേഷണത്തെ ആസ്പദമാക്കി എടുത്തതാണ് ഈ ചിത്രം.

1986 - ദക്ഷിണ കൊറിയയിലെ ഗ്യുന്ഗ്ഗി  പ്രവിശ്യയിൽ ഒരു സുന്ദരിയായ സ്ത്രീയെ ബലാത്സംഗം ചെയ്തു കൊന്ന നിലയിൽ കണ്ടെത്തുന്നു. അവിടത്തെ പോലീസിൽ ഉള്ള ടിറ്റക്ടീവ്മാരായ പാർക്ക്‌ ടൂ-മാൻ ഉം ചൊ യൊങ്ങ്-കൂ യും ചേർന്ന് അവരുടെ തീർത്തും അശാസ്ത്രീയവും അപ്രായോഗികവും ആയ വഴികളിലൂടെ അന്വേഷണം നടത്തുന്നു. അന്വേഷണത്തിൽ സഹായിക്കാനായി സിയൌളിൽ നിന്നും വന്ന ടിറ്റക്ടീവ് സീയോ തൈ-യൂണ്‍ ബുദ്ധിപരമായ അന്വേഷണത്തിലൂടെ മുന്നോട്ടു പോകുന്നത് മൂവർക്കുമിടയിൽ സംഘർഷങ്ങൾക്ക് വഴി തെളിക്കുന്നു. ഇതേ രീതിയിൽ വീണ്ടും സ്ത്രീകള് കൊല്ലപെടുന്നതോടെ അന്വേഷനസന്ഘതിനുമേൽ സമ്മര്‍ദ്ധം ഉണ്ടാക്കുന്നു.  കൊറിയയിലെ ആ സമയത്തെ സാമൂഹിക വ്യവസ്ഥിതിയുടെ ഒരു വിമര്‍ശനം കൂടിയാണ് ഈ പടം. 

ഭാഷ : കൊറിയൻ

പരിഭാഷ : ശ്രീധർ

Translation : Sree Dhar
Frame rate : 23.976 FPS

Running time : 131minutes (2:11:08)
#info : C1B6D78E5B9EA6CDD753CE576690030BCFEC9D0C

Download Link

Memories of Murder (2003) OpensubtitlesMemories of Murder (2003) DropBox