Perfume: The Story of a Murderer (2006) പെര്‍ഫ്യൂം - ദ സ്റ്റോറി ഓഫ് എ മര്‍ഡറര്‍(2006)

എം-സോണ്‍ റിലീസ്  119
Perfume: The Story of a Murderer (2006) 
പെര്‍ഫ്യൂം - ദ സ്റ്റോറി ഓഫ് എ മര്‍ഡറര്‍(2006)
ഭാഷ             : ഇംഗ്ലീഷ്
സംവിധാനം  : ടോം ടൈക്‌വെര്‍

പരിഭാഷ         : ശിവപ്രസാദ്
Frame rate        : 25
Running time   : 147 minute
#info     :e3ab17ffe825bff4cb09f98ac3a8a00aac530a7c

Download Link
Opensubtitles
SubScene

Frame rate        :23.976
Running time   : 147 minute
#info     :492e3dff41a6b434f3ea83b60de59b72c6bdbd7d

Download Link
Opensubtitles
SubScene

ജര്‍മന്‍ സിനിമാ ചരിത്രത്തിലെ ഏറ്റവും കൂടിയ ബഡ്ജറ്റുകളിലൊന്നോടെയാണ് പെര്‍ഫ്യൂം - ദ സ്റ്റോറി ഓഫ് എ മര്‍ഡറര്‍(2006) നിര്‍മ്മിക്കപ്പെട്ടത്. ഗന്ധത്തില്‍ നിന്ന് എങ്ങനെയാണ് സുഗന്ധം ഉണ്ടാകുന്നത് എന്ന അന്വേഷണമാണ് മുഖ്യ കഥാപാത്രമായ ഴാങ് ബാപ്റ്റിസ്റ് ഗ്രെനോയ്ലിനെ യുവതികളുടെ കൊലകളിലേക്ക് നയിക്കുന്നത്. അസാധ്യമായ സിനിമയായ പെര്‍ഫ്യൂമിന്റെ ആധാരമായ നോവലെഴുതിയ പാട്രിക്ക് സസ്ക്കിണ്ടിന്റെ രചനാവൃത്തി തന്നെ അസാധാരണമായിരുന്നുവെന്നാണ് റോജര്‍ എബര്‍ട് അഭിപ്രായപ്പെട്ടത്. ഗന്ധത്തിന്റെയും ഗന്ധങ്ങളുടെയും അനിര്‍വചനീയങ്ങളും അവ്യാഖ്യേയങ്ങളുമായ പ്രഹേളികകളെ വാക്കുകളിലേക്കും(നോവല്‍) ദൃശ്യ-ശബ്ദങ്ങളിലേക്കും(സിനിമ) എങ്ങനെയാണ് പരിഭാഷപ്പെടുത്താനാവുക എന്നതാണ് പ്രധാനപ്പെട്ട പ്രശ്നം. റണ്‍ ലോല റണ്‍ പോലെ ജനപ്രിയമായിത്തീര്‍ന്ന സിനിമ എടുത്ത ടോം ടിക്ക്വര്‍ ആണ് പെര്‍ഫ്യൂമിന്റെ സംവിധായകന്‍


നമുക്കെന്തിനു നേരെയും കണ്ണടയ്ക്കാം,കണ്ടില്ലെന്ന് നടിയ്ക്കാം. ശ്രുതിമധുരമായതോ അരോചകമായതോ ആയ ഏതുതരം ശബ്ദങ്ങള്‍ക്കെതിരെയും ചെവികൊട്ടിയടയ്ക്കാം. എന്നാല്‍ ആര്‍ക്കും, ജീവിച്ചിരിക്കുവാനാഗ്രഹിക്കുന്ന ആര്‍ക്കും തന്നെ ഗന്ധങ്ങളില്‍ നിന്നും ഓളിച്ചോടുവാന്‍ കഴിയില്ല, കാരണം ഗന്ധമെന്നത് പ്രാണവായുവിന്റെ  അര്‍ദ്ധസഹോദരനാകുന്നു.അവരൊരുമിച്ച് നമ്മുടെ  ഹൃദയത്തിന്റെയുള്ളറകളിലേക്ക് കടന്നു ചെല്ലുന്നു. അവിടെവെച്ച് തെറ്റും ശരിയും കാമവും ക്രോധവും സ്നേഹവും വിദ്വേഷവും എല്ലാം എല്ലാം തന്നെയും തീരുമാനിക്കപ്പെടൂന്നു. അങ്ങിനെയെങ്കില്‍, ഏതൊരുവന്‍ ഗന്ധങ്ങളെ നിയന്ത്രിക്കുന്നുവോ അവന്‍  ലോകത്തിനെയും നിയന്ത്രിക്കുന്നു.

സ്നേഹവും അനുരാഗവും രതിയുമെന്നത് മനുഷ്യ ശരീരത്തിലും പ്രകൃതിയിലും അന്തര്‍ലീനമായിരിക്കുന്നുവെന്നും സദാചാരം കൊണ്ട് അവയെ നിയന്ത്രണവിധേയമാക്കാന്‍ മനുഷ്യകുലത്തിന് സാധ്യമാവില്ല എന്നുമുള്ള ചരിത്രവൈപരീത്യത്തെയാണോ ടോം ടിക്ക്വര്‍ ആഖ്യാനം ചെയ്യാന്‍ ശ്രമിക്കുന്നത്? ഗന്ധം എന്ന അപൂര്‍വ്വമായ ഇന്ദ്രിയജ്ഞാനത്തെ ദൃശ്യ-ശബ്ദ ഭാവനയിലൂടെ ആഖ്യാനം ചെയ്യാനുള്ള പരിശ്രമം എന്ന നിലക്കാണ് പെര്‍ഫ്യൂം - ദ സ്റോറി ഓഫ് എ മര്‍ഡറര്‍ ഭീതിജനകമായിരിക്കെ തന്നെ ശ്രദ്ധേയമായ ഒരു ചലച്ചിത്രമായി മാറുന്നത്. സൌന്ദര്യത്തിന്റെയും സൌഗന്ധികത്തിന്റെയും നിര്‍മിതിയും ചരിത്രവും, ഗൂഢവും വൃത്തിഹീനവുമായ നിരവധി കൂട്ടുകളുടെയും വിചാരങ്ങളുടെയും സ്ഥലകാലങ്ങളുടെയും പിന്നാമ്പുറങ്ങളെ ഒളിപ്പിച്ചു വെക്കുന്നുണ്ടെന്ന യാഥാര്‍ത്ഥ്യവും പെര്‍ഫ്യൂം - ദ സ്റ്റോറി ഓഫ് എ മര്‍ഡറര്‍ വെളിപ്പെടുത്തുന്നു. (കടപ്പാട്  ജി പി രാമചന്ദ്രന്റെ  ഉള്‍ക്കാഴ്ചയിലെ ലേഖനം ,
ടി.സുരേഷ്ബാബുവിന്റെ സ്ത്രീസുഗന്ധം തേടിയ കൊലയാളി എന്ന ലേഖനവും കാണുക )

Two Days, One Night (2014) ടൂ ഡെയ്സ്, വണ്‍ നെറ്റ് (2014)

എം-സോണ്‍ റിലീസ്  116

Two Days, One Night (2014)
ടൂ ഡെയ്സ്, വണ്‍ നെറ്റ് (2014)
ഭാഷ             : ഫ്രെഞ്ച്
സംവിധാനം  : ഴാങ് പിയറി ഡാര്‍ഡെന്‍ , ലൂക്  ഡാര്‍ഡെന്‍

പരിഭാഷ         : വി. അബ്ദുൾ ലത്തീഫ്
Frame rate        :  23.976
Running time   : 95 minute
#info     :DFD0352FA3FA5A0A2243C0DD49056A7DD854ED62

Download Link
Opensubtitles
DropBox
SubScene

2014 ല്‍ കാന്‍ ഫിലിം ഫെസ്റ്റിവെലില്‍  പാം ഡിഓര്‍ അവാര്‍ഡിന് വേണ്ടി മല്‍സരവിഭാഗത്തിലുണ്ടായിരുന്ന ഫ്രെഞ്ച് സിനിമയാണ് ടൂ ഡെയ്സ്, വണ്‍ നെറ്റ്. ഴാങ് പിയറിയും, ലൂക്  ഡാര്‍ഡെന്നും സംവിധാനം ചെയ്ത ഈ സിനിമ നിരവധി അന്തരാഷ്ട്ര ചലച്ചിത്രമേളകളില്‍ പുരസ്കാരങ്ങള്‍  ലഭിച്ചിട്ടുണ്ട്. സമൂഹത്തിന്റെ അരികുകളില്‍ ജീവിക്കുന്ന തൊഴിലാളിവര്‍ഗ്ഗത്തിന്റെ സാര്‍വലൗകിക കഥ പറയുന്നതിനായി ബല്‍ജിയന്‍ സംവിധായകരായ ഡാര്‍ഡെന്‍ സഹോദരന്‍മാര്‍   പ്രമുഖ അന്താരാഷ്ട്ര അഭിനേത്രിയായ മോറിയോണ്‍ കോട്ടിലാടുമായി ആദ്യമായി കൈകോര്‍ത്തിരിക്കുന്നു.

കടുത്ത വിഷാദരോഗത്തിന്റെ ആക്രമണത്തിന് ശേഷം സാന്ദ്ര ജോലിക്ക് തിരികെ പ്രവേശിക്കുന്നു. എന്നാല്‍ ഒരു ജീവനക്കാരി കുറഞ്ഞാലും  കമ്പനിയുടെ പ്രവര്‍ത്തനത്തെ ബാധിക്കില്ലെന്ന് തിരിച്ചറിയുന്ന അധികൃതര്‍ സാന്ദ്രയോട് പണിയില്‍ നിന്നും പിരിയാന്‍ ആവശ്യപ്പെടുന്നു. തിങ്കളാഴ്ച വൈകിട്ട് നടക്കുന്ന വോട്ടെടുപ്പില്‍ , തന്റെ സഹപ്രവര്‍ത്തകര്‍ തിനിക്കെതിരെ വോട്ട് ചെയ്യുമെന്ന് സാന്ദ്ര മനസിലാക്കുന്നു. ആഴ്ചയുടെ അവസാനം സമയത്തിനെതിരെ തുഴഞ്ഞ് സാന്ദ്ര അവരുടെ ഭര്‍ത്താവിന്റെ സഹായത്തോടെ സഹപ്രവര്‍ത്തകരെ സ്വാധീനിക്കാന്‍ ശ്രമിക്കുന്നു. വളരെക്കാലമായി ആവിശ്യപപ്പെടുന്ന ബോണസ് വേണെന്ന് വച്ചാല്‍ തന്റെ ജോലി നിലനിറുത്താന്‍ സാധിക്കുമെന്ന് അവരെ ബോധ്യപ്പെടുത്താന്‍ സാന്ദ്ര ശ്രമിക്കുന്നു. എന്നാല്‍ ഓരോരുത്തരെ കാണുന്തോറും സാന്ദ്ര വളരെ വിചിത്രമായ മറ്റൊരു ലോകത്തിലേക്ക് പ്രവേശിക്കുകയാണ്. അപ്രതീക്ഷിത സംഗതികളാണ് സാന്ദ്രയ്ക്ക് നേരിടേണ്ടി വരുന്നത്. സാമൂഹിക ഐക്യദാര്‍ഢ്യത്തെ കുറിച്ചുള്ള ശക്തമായ പ്രഖ്യപനമായി ചിത്രം മാറുന്നു.

The Fountain (2006) ദി ഫൗണ്ടന്‍ (2006)

എം-സോണ്‍ റിലീസ്  114

The Fountain (2006)
ദി ഫൗണ്ടന്‍ (2006)
ഭാഷ             : ഇംഗ്ലീഷ്
സംവിധാനം  : ഡാരന്‍ അര്നോഫ്സ്കി

പരിഭാഷ         : ജോസി ജോസ്
Frame rate        :  23.976
Running time   : 96 minute

#info   (yifi)     :eb557f482eb31f9a8e4729cdb4f1f44c57c7244c
Download Link
Opensubtitles
DropBox
SubScene

#info   (aXXo)    :910d2908715793f4d3b2dc30e5fda501fd530244
Download Link
Opensubtitles
DropBox
SubScene

പ്രേക്ഷകന്റെ ഭാവനയില്‍ വിരിയുന്ന ഒരു ചിത്രമാണ്  "ദി ഫൗണ്ടന്‍". അതിനായുള്ള സന്ദര്‍ഭങ്ങള്‍ ഒരുക്കി കൊടുത്തിരിക്കുകയാണ്  പൈ ,ബ്ലാക്ക് സ്വാന്‍ തുടങ്ങിയ ചിത്രങ്ങളിലൂടെ പ്രശസ്തനായ ഡാരന്‍ അറ്നോഫ്സ്കി എന്ന സംവിധായകന്‍. നോണ്‍ ലീനിയര്‍ രീതിയില്‍ അവതരിപ്പിച്ചിരിക്കുന്ന ഈ സിനിമയില്‍ മൂന്നു കാലഘട്ടത്തില്‍ ഉള്ള കഥകളാണ് അവതരിപ്പിച്ചിരിക്കുന്നത്. പ്രപഞ്ചാരംഭം മുതല്‍ തുടങ്ങുന്ന ഈ സിനിമയില്‍ ഭൂതം, ഭാവി, വര്‍ത്തമാനം എന്നീ മൂന്നു കാലഘട്ടങ്ങളെ സമര്‍ത്ഥമായി ഉപയോഗിച്ചിരിക്കുന്നു. ഈ കാലഘട്ടങ്ങള്‍ തമ്മില്‍ ഒരു ബന്ധമുണ്ട്. അവയുടെ എല്ലാം ലക്ഷ്യം ഒന്നാണ്. സര്‍വ ജീവന്റെയും തുടിപ്പെന്ന് വിശ്വസിക്കുന്ന ഒരു രഹസ്യത്തിലേക്ക്, മായന്മാരുടെ മിത്തുകളിലെ ശിബാബ എന്ന നക്ഷത്രക്കൂട്ടം ലക്ഷ്യമാക്കി യാത്ര തിരിക്കുന്ന ടോമാസ്‌ എന്ന സ്പാനിഷ് പോരാളിയും , മരണം ഒരു രോഗമായി കാണണം എന്നും അതിനു മരുന്നുണ്ട് എന്ന് വിശ്വസിക്കുന്ന ക്രിയോ എന്ന ഡോക്ടറും ഭാവിയില്‍ മരണത്തെ അതിജീവിച്ച ക്രിയോ തന്‍റെ പ്രിയതമയെ തേടുന്ന ലോകവും എല്ലാം അവസാനിക്കുന്നത് ആ രഹസ്യത്തിലാണ്.

ഡോക്ടര്‍ ക്രിയോയുടെ ഭാര്യ ഇസ്സി തലച്ചോറിലെ ട്യൂമര്‍ മൂലം മരണത്തെ കാത്തിരിക്കുകയാണ്. അതിനെതിരായി ഒരു വൃക്ഷത്തില്‍ നിന്നുമെടുക്കുന്ന മരുന്ന് അവളെ സുഖപ്പെടുത്തും എന്നുള്ള വിശ്വാസത്തില്‍ പരീക്ഷണങ്ങള്‍ നടത്തുന്നു ക്രിയോ. അതേ സമയം ഇസ്സി ഒരു കഥയുടെ പണിപ്പുരയിലാണ്. സ്പാനിഷ് യോദ്ധാവായ ടോമാസ് മനുഷ്യനെ അജയനാക്കുന്ന മായന്‍ രഹസ്യത്തെ തേടി പോകുന്ന കഥ. എന്നാല്‍ അതിന്‍റെ അവസാന ഭാഗം എഴുതി ചേര്‍ക്കാന്‍ ഉള്ള നിയോഗം ക്രിയോയ്ക്കാണ് എന്ന് ഇസ്സി വിശ്വസിക്കുന്നു. പിന്നീടുള്ളത് ഭാവിയില്‍ മരണത്തെ അതിജീവിച്ച് തന്‍റെ പ്രിയതമയുമായി ഒന്നിക്കാന്‍ വെമ്പുന്ന കുമിളയിലൂടെ ബഹിരാകാശത്ത് യാത്ര ചെയ്യുന്ന  ക്രിയോയും അവസാനം ആ രഹസ്യം കണ്ടെത്തുന്നു. ജീവന്‍റെ രഹസ്യം എന്ന് പറയാവുന്ന ആ പ്രാചീന സത്യത്തിന്റെ പൊരുള്‍ എന്താണ് എന്നുള്ളതാണ് ബാക്കി ചിത്രം പറയുന്നത്.

ഒരു സയന്‍സ് ഫിക്ഷന്‍ ആണെന്നോ ഫാന്റസിയാണെന്നോ തോന്നുന്ന ചിത്രത്തിന് യാഥാര്‍ത്ഥ്യം പറയുന്ന മുഖവും ഉണ്ട്. ഈ ചിത്രത്തില്‍ എടുത്തു പറയേണ്ടത് ഇതിന്‍റെ പശ്ചാതല സംഗീതമാണ്. ക്ലിന്റ് മാന്‍സേല്‍ ചിത്രത്തിന്‍റെ മൊത്തത്തില്‍ ഉള്ള ഒരു കാല്‍പ്പനിക അന്തരീക്ഷത്തെ പ്രതിനിധീകരിക്കുന്നുണ്ട്. ഒരു കഥയെക്കാളുപരി രംഗങ്ങള്‍ പ്രേക്ഷകന്‍റെ ഭാവനയ്ക്ക് അനുസൃതമായി സങ്കല്‍പ്പിക്കാന്‍ ഉള്ള അവസരം ആരോന്ഫസ്കി നല്‍കിയിട്ടുണ്ട്. ക്രമത്തില്‍ രൂപപ്പെടുത്തിയ സീനുകള്‍ മാച്ച് കട്ട്  പോലുള്ള എഡിറ്റിംഗ് സാങ്കേതികവിദ്യ ഉപയോഗിച്ച് അത്തരമൊരു ചിന്തയ്ക്കുള്ള സാധ്യത നല്‍കുന്നുണ്ട്.  (രാകേഷ്  മനോഹരന്റെ ബ്ലോഗ്)

 

The Lord of The Rings : The fellowship of the Ring (2001) ലോർഡ് ഓഫ് ദ റിങ്ങ്സ് : ദ ഫെല്ലോഷിപ് ഓഫ് ദ റിങ്ങ്' (2001)

എം-സോണ്‍ റിലീസ്  111

The Lord of The Rings : The fellowship of the Ring (2001)
ലോർഡ് ഓഫ് ദ റിങ്ങ്സ് : ദ ഫെല്ലോഷിപ് ഓഫ് ദ റിങ്ങ്' (2001)
ഭാഷ             : ഇംഗ്ലീഷ്
സംവിധാനം  : പീറ്റര്‍ ജാക്സണ്‍

പരിഭാഷ          :Sreejith SP
Frame rate        :24 FPS
Running time   :178 minute
#info                :E175ACD03B68BF0736DFC4B17D1D1496A455E01D


Download Link
Opensubtitles
DropBox
SubScene

J.J.R. Tolkein ന്‍റെ 'ദ ലോർഡ് ഓഫ് ദ റിങ്ങ്സ്' എന്ന നോവൽ പരമ്പരയുടെ ആദ്യത്തെ വാല്യം ആസ്പദമാക്കി Peter Jackson സംവിധാനം ചെയ്ത ഒരു ഐതിഹാസിക ഫാന്‍റസി ചലചിത്രമാണ് 'ലോർഡ് ഓഫ് ദ റിങ്ങ്സ് : ദ ഫെല്ലോഷിപ് ഓഫ് ദ റിങ്ങ്'.

ദുർമാർഗിയായ സോറോൺ പ്രഭു ഭൂമിയിലെ മധ്യ-ദേശങ്ങൾ കീഴടക്കുന്നതിന് മുന്നോടിയായി തന്‍റെ നഷ്ടപ്പെട്ടുപോയ ശക്തി-മോതിരം വീണ്ടെടുക്കാനുള്ള ശ്രമത്തിലാണ്. ഈ മോതിരം വന്നു പെട്ടതോ ഫ്രോഡോ ബാഗ്ഗിൻസ് എന്ന ഹോബിറ്റിന്‍റെ കൈയ്യിലും. മധ്യ-ദേശങ്ങളുടേയും അവയിലെ എൽഫുകളും ഹോബിറ്റുകളും മനുഷ്യരും അടങ്ങുന്ന എല്ലാ നിവാസികളുടേയും നിലനിൽപ്പിനു തന്നെ ഭീഷണിയായ ഈ മോതിരം, അത് നിർമിക്കപെട്ട മോർഡോറിലെ ഡൂം കൊടുമുടിയിൽ കൊണ്ടുപോയി നശിപ്പിക്കുക എന്ന ദുഷ്കരമായ ദൗത്യം ഏറ്റെടുക്കുന്ന ഫ്രോഡോയുടേയും അവന്‍റെ എട്ട് സഹചാരികളുടേയും കഥ പറയുന്നതാണീ സിനിമ.

2001 ൽ റിലീസ് ആയ ഈ ചിത്രത്തിന് ക്രിട്ടിക്കുകളുടേയും ഫാൻസിന്‍റേയും ഭാഗത്ത് നിന്നും വളരെ നല്ല സ്വീകരണമാണ് ലഭിച്ചത്. ഫാന്‍റസി സിനിമകളിലെ ഒരു നാഴികക്കല്ലായ ഈ ഹോളിവൂഡ് സിനിമ ബോക്ക്സ് ഓഫീസിൽ ($871 million) വമ്പൻ വിജയമാണ് നേടിയത്. ഈ സിനിമയ്ക്ക് കിട്ടിയ 13 ഓസ്കാർ നാമനിർദേശങ്ങളിൽ മികച്ച ഛായാഗ്രഹണം, makeup, പശ്ചാത്തല സംഗീതം Visual effects എന്നിവയ്ക്കുള്ള ഓസ്കാരുകൾ ഈ സിനിമ തന്നെ നേടി. കൂടാതെ മികച്ച സിനിമ, മികച്ച സംവിധായകൻ ഉൾപടെ 4 ബ്രിട്ടീഷ് അക്കാഡമി പുരസ്കാരങ്ങളും ഈ സിനിമ നേടി. 2001 ൽ ഇറങിയ ഈ സിനിമയുടെ visual effectsസിനോട് കിടപിടിക്കുന്ന ഒരു സിനിമ പോലും അക്കാലത്ത് ഹോളിവൂഡിലും, ഇതുവരെ ബോളിവൂഡിലും ഇറങ്ങിയിട്ടില്ല.

Download Link
Opensubtitles
DropBox
SubScene

Nymphomaniac (2013) നിംഫോമാനിയാക് (2013)

എം-സോണ്‍ റിലീസ്  105

Nymphomaniac (2013) Vol. I & Vol. II
നിംഫോമാനിയാക്  (2013) വോള്യം  I & വോള്യം  II
ഭാഷ             : ഇംഗ്ലീഷ്
സംവിധാനം :  ലാർസ് വോൺ ട്രിയർ

പരിഭാഷ          : വെള്ളെഴുത്ത് 
Frame rate      :  25.000 FPS
Running time   : 1h 50mn  & 1h 58mn
#info               : 639F5D0F25515D6C21694702669184A0B37FE22A


Download Link
Nymphomaniac (2013) Opensubtitles
Nymphomaniac (2013)  DropBox

ആന്റിക്രൈസ്റ്റിനും മെലഞ്ചോളിയയ്ക്കും ശേഷം അതിന്റെ തുടർച്ചയായി, ലാർസ് വോൺ ട്രിയർ എഴുതി സംവിധാനം ചെയ്ത ചിത്രമാണ് നിംഫോമാനിയാക്.  ഭാഷ ഇംഗ്ലീഷാണ്. അഞ്ചരമണിക്കൂർ നീളുന്ന ഒറ്റ ചിത്രമാണ് സംവിധായകൻ ആദ്യം വിഭാവന ചെയ്തതെങ്കിലും പിന്നീട് അതിനെ വാല്യം ഒന്ന്, രണ്ട് എന്ന് രണ്ടു ഭാഗമായി തിരിച്ചാണ് ബെർളിനിലും വെനീസിലുമായി പ്രദർശിപ്പിച്ചത്. എഡിറ്റു ചെയ്ത പതിപ്പ് ഏകദേശം മൂന്നു മണിക്കൂർ അൻപത് മിനിട്ടുണ്ട്.

ചിത്രം കൃത്യമായി ഒരു ‘കഥയെ ‘പിന്തുടരുകയല്ല. നിംഫോമാനിയാക് ആയ ഒരു യുവതിയും താൻ അലൈംഗികനാണെന്ന് (അസെക്ഷ്വൽ) വിശ്വസിക്കുന്ന ഒരു മനുഷ്യനും തമ്മിൽ ഒരു രാത്രി മുഴുവൻ നീണ്ടുനിൽക്കുന്ന സംഭാഷണമാണ് സിനിമ. അതിൽ സമൂഹത്തെയും സംസ്കാരത്തെയും ചരിത്രത്തെയും  സംബന്ധിക്കുന്ന ഒരുപാട് കാര്യങ്ങൾ കടന്നു വരുന്നു. സ്വാഭാവികമായും വിലക്കപ്പെട്ട കനിയായ ലൈംഗികതയെചുറ്റിപ്പറ്റി. നിംഫോമാനിയാക്കായ ജോ എന്ന സ്ത്രീയെ സിനിമയിൽ രണ്ടു പേരാണ് അവതരിപ്പിച്ചിരിക്കുന്നത് ( മെലഞ്ചോളിയയിലെ ക്ലയറായും ആന്റി ക്രൈസ്റ്റിലെ ‘അവൾ’ ആയും 21 ഗ്രാംസിലെ മേരി റിവേഴ്സായും അഭിനയിച്ച ചാർലോട്ടി ഗെയിൻസ്ബെർഗാണ് മുതിർന്നവളായ ജോ, ചെറുപ്പകാലത്തുള്ള കഥാപാത്രത്തെ സ്റ്റേസി മാർട്ടിനാണ് അവതരിപ്പിക്കുന്നത്. സെലിഗ്മാനായി വരുന്നത് ഗുഡ് വിൽ ഹണ്ടിംഗിൽ പ്രോ ജെറാൾഡായും മെലഞ്ചോളിയയിൽ ജാക്കായും  ഡോഗ് വില്ലിയിൽ ചക്കായും അഭിനയിച്ച  സെല്ലൻ സ്കാർസ്ഗാർഡാണ്.  സംഗീതത്തിനു ചിത്രത്തിൽ പ്രത്യേക പ്രാധാന്യമുണ്ട്. വാഗ്നറുടെയും ബിഥോവന്റെയും മൊസാർട്ടിന്റെയും പാലസ്ട്രിനയുടെയും ക്ലാസിക്കുകൾക്കൊപ്പം സ്റ്റെപ്പൻ വൂൾഫിനെയും ടാക്കിങ് ഹെഡിനെയും ഒക്കെ ഉപയോഗിച്ചിട്ടുണ്ട്.

നീണ്ടു നീണ്ടുപോകുന്ന സംഭാഷണങ്ങളാണ് സിനിമയെ മലയാളത്തിലേയ്ക്ക്  പരിഭാഷപ്പെടുത്തേണ്ടതിന്റെ  ആവശ്യത്തെ അടിവരയിടുന്ന ഒന്നാമത്തെ സംഗതി. ശാസ്ത്രവിഷയങ്ങൾക്കു മാത്രമല്ല, ശരീരസംബന്ധിയായ പദാവലിയിലും മലയാളം പോലെയൊരു ഭാഷ അനുഭവിക്കുന്ന പരിമിതി, ശരീരരാഷ്ട്രീയത്തെ ചർച്ചയ്ക്കു വിധേയമാക്കുന്ന ഇതുപോലെയുള്ള ചലച്ചിത്രങ്ങളുടെ പരിഭാഷകൾ നമുക്കു മുന്നിൽ കൊണ്ടു വരും. ഇക്കാര്യത്തിൽ കൂടുതൽ കൂട്ടിച്ചേർക്കലുകൾ ആവശ്യമാണ്. വസ്തുക്കളുടെ ക്രമം ( സിന്റാക്സ് ഓഫ് തിങ്സ്) എന്ന സംഗതിയെ വികാരവുമായികൂട്ടിച്ചേർത്ത് വ്യാഖ്യാനിക്കാനാണ് സിനിമ ശ്രമിച്ചിരിക്കുന്നത്. വേറിട്ട വീക്ഷണക്കോണുകൾ ധാരണകളെ മാറ്റി മറിക്കുക മാത്രമല്ല, എങ്ങനെ ജീവിതത്തിന്റെ ക്രമത്തെത്തന്നെ മാറ്റിക്കളയുന്നു എന്നും സിനിമ ഉറക്കെ ചിന്തിക്കുന്നുണ്ട്. അതുകൊണ്ട് അടിസ്ഥാനപരമായി സിനിമ,  മനസ്സിലാക്കലിനെക്കുറിച്ചുള്ളതാണ് എന്നും പറയാം. അല്ലെങ്കിൽ കാര്യങ്ങൾ വേണ്ടവിധം മനസ്സിലാകാതിരികുന്നതിനെക്കുറിച്ചാണെന്ന്. നാം സംഗ്രഹിക്കുന്ന ധാരണകളാണ് മനസിലാക്കലിന്റെ അടിസ്ഥാനം. ധാരണകൾ മാറുമ്പോൾ വ്യാഖ്യാനങ്ങളും  പ്രവൃത്തികളും മാറി മറിയുന്നു.

 ട്രിയർ, ലൈംഗികരംഗങ്ങളുടെ ചിത്രീകരണത്തിൽ ആന്റിക്രൈസ്റ്റ് മുതൽ എടുത്ത അസാധാരണമായ തുറന്ന നിലപാട് കൂടുതൽ വ്യക്തമായ അളവിൽ ഈ സിനിമയിലും കാണാം. എന്നാൽ ഈ സിനിമയിലെ ലൈംഗിക രംഗങ്ങൾ വ്യക്തികളുടെ ശരീരങ്ങളെ യഥാർത്ഥത്തിൽ വച്ച് ചിത്രീകരിക്കാതെ, ചലനങ്ങൾപോലും വ്യക്തമായി ആസൂത്രണം ചെയ്ത് ആനിമേഷന്റെയും ഗ്രാഫിക്സിന്റെയും സഹായത്തോടെ ചെയ്തതാണെന്നതാണ് മറ്റൊരു പുതുമ.

Download Link
Nymphomaniac (2013) Opensubtitles
Nymphomaniac (2013)  DropBox

The Hunt (2012) ദി ഹണ്ട് (2012)

എം-സോണ്‍ റിലീസ് - 101
The Hunt (2012)
ദി ഹണ്ട് (2012)

ഭാഷ: ഡാനിഷ്

2012 ലെ കാന്‍ ഫിലിം ഫെസ്റ്റിവലില്‍ നായകന്‍ മാഡ് മിക്കെല്‍സന് മികച്ച നടനുള്ള അവാര്‍ഡ് നേടിക്കൊടുത്ത ചിത്രം. സാമൂഹിക പ്രസക്തമായ വിഷയം എന്നതിനേക്കാള്‍ ആര്‍ക്കും എപ്പോള്‍ വേണമെങ്കിലും വന്നുഭവിക്കാവുന്നൊരു ദുര്‍വിധിയെ പറ്റിയാണ് ദി ഹണ്ട് പ്രതിപാദിക്കുന്നത്.

കുട്ടികള്‍ക്ക് നേരെയുള്ള ലൈംഗിക അതിക്രമങ്ങള്‍ എല്ലാ രാജ്യത്തും സ്ത്രീപീഡനത്തെക്കാള്‍ ഗൌരവകരമായ കുറ്റമായിരിക്കെ സിനിമയില്‍ അവതരിപ്പിച്ച ഡെന്മാര്‍ക്കിലെ ചെറിയ സമൂഹം ആഗോള സമൂഹത്തിന്‍റെ പരിശ്ചേദമാകുന്നു. ഇത്തരം വിഷയങ്ങളില്‍ ഇന്നു പതിവായ മാധ്യമവിചാരണ മനപ്പൂര്‍വം ഒഴിവാക്കിയിരിക്കുന്നു. ലളിതമായി പറഞ്ഞ കഥയുടെ ചട്ടക്കൂടില്‍ നിന്നും വ്യതിചലിക്കാതിരിക്കാനും ക്ലീഷേകള്‍ ഒഴിവാക്കാനും അതുകൊണ്ട് സാധിച്ചിരിക്കുന്നു.


നോട്ടിനു കടപ്പാട്: ലോക സിനിമയിലൂടെ
പരിഭാഷ: ഉമ്മര്‍ ടി.കെ

The Hunt aka Jagten (2012) Opensubtitles

The Hunt aka Jagten (2012) Dropbox

The Last Emperor 1987 ദ ലാസ്റ്റ് എംപറര്‍ (1987)

എംസോണ്‍ റിലീസ് - 98
The Last Emperor (1987)
ദ ലാസ്റ്റ് എംപറര്‍ (1987)

പരിഭാഷ      : അരുണ്‍ ജോര്‍ജ്ജ്
Frame rate        :  23.976 fps
Running time   : 163 minutes (2:43:06)
#info                : 4D8776049A83B1792A5871C9A33F3868E3F4EADD


Download Link

The Last Emperor (1987) Opensubtitles
The Last Emperor (1987) DropBox

ബെര്‍ണാഡോ ബര്‍ട്ടോലൂച്ചി സംവിധാനം ചെയ്ത് 1987ല്‍ ഇറങ്ങിയ ഇംഗീഷ് ചലച്ചിത്രം. ചൈനയുടെ അവസാന ചക്രവര്‍ത്തിയായിരുന്ന ക്വിങ്ങ് രാജവംശത്തിലെ ഐസിന്‍-ജിയോറോ പുയി(Aisin-Gioro Pu Yi) യുടെ സംഭവബഹുലമായ ജീവിതം ഇതിവൃത്തമാക്കി നിര്‍മ്മിച്ച ഈ ചിത്രം ഒരുപാട് നിരൂപക/പ്രേക്ഷക പ്രശംസ പിടിച്ചു പറ്റിയ ഒന്നാണ്.

ഐസിന്‍-ജിയോറോ പുയി യുടെ മൂന്നാം വയസ്സിലെ ചക്രവര്‍ത്തിയായിയുള്ള കിരീടധാരണം മുതല്‍, യവ്വനത്തിലെ കൊട്ടാരത്തില്‍ നിന്നുള്ള പടിയിറക്കവും, ജപ്പാന്‍റെ കളിപ്പാവയായി രണ്ടാം ലോകയുദ്ധകാലത്ത് മഞ്ചൂരിയയുടെ ചക്രവര്‍ത്തിയായുള്ള ഭരണകാലവും, തുടര്‍ന്ന്‍ നീണ്ട പതിനഞ്ച് വര്‍ഷത്തോളം കമ്യൂണിസ്റ്റ്‌ ഭരണത്തിന്‍കീഴില്‍ യുദ്ധകുറ്റവാളിയായിയുള്ള തടവറവാസത്തോടെ ചക്രവര്‍ത്തിയില്‍ നിന്നും പച്ചയായ മനുഷ്യനിലേക്കുള്ള അദ്ദേഹത്തിന്റെ പരിണാമം വരെ ഈ ചിത്രത്തില്‍ അതീവ ഹൃദ്യമായി അനാവരണം ചെയ്തിരിക്കുന്നു. മികച്ച ചിത്രത്തിനുള്‍പ്പടെ 9 അക്കാദമി അവാര്‍ഡുകള്‍ കരസ്ഥമാക്കി. ഭൂരിഭാഗവും ചൈനയില്‍ കമ്യൂണിസ്റ്റ്‌ സര്‍ക്കാരിന്റെ അനുമതിയോടെ  യഥാര്‍ത്ഥ ലൊക്കേഷനുകളില്‍ വച്ച് തന്നെ ചിത്രീകരിച്ചിരിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

പരിഭാഷ      : അരുണ്‍ ജോര്‍ജ്ജ്
Frame rate        :  23.976 fps
Running time   : 163 minutes (2:43:06)
#info                : 4D8776049A83B1792A5871C9A33F3868E3F4EADD


Download Link

The Last Emperor (1987) Opensubtitles
The Last Emperor (1987) DropBox

Mandela: Long Walk to Freedom (2013) മണ്ടേല: ലോംഗ് വാക്ക് ടു ഫ്രീഡം (2013)

എംസോണ്‍ റിലീസ് - 97

Mandela: Long Walk to Freedom (2013)
മണ്ടേല: ലോംഗ് വാക്ക് ടു ഫ്രീഡം (2013)
ഭാഷ                 : ഇംഗ്ലീഷ്
സംവിധാനം : ജസ്റ്റിന്‍ ചാഡ്‌വിക്ക്

പരിഭാഷ      : പി. പ്രേമചന്ദ്രന്‍
Frame rate      : 23.976 FPS
Running time   : 141  minutes (2:21:14)
#info               : D42A3A32C1F0426F56C3694071835A048E560EB8


Download Link

Mandela: Long Walk to Freedom (2013) Opensubtitles
Mandela: Long Walk to Freedom (2013) DropBox

വര്‍ണ്ണവെറിയുടെ മൂര്‍ത്ത രൂപമായിരുന്ന ദക്ഷിണാഫ്രിക്കന്‍ അപ്പാര്‍ത്തീഡ് വ്യവസ്ഥിതിക്കെതിരെ കറുത്തവര്‍ഗ്ഗക്കാര്‍ നടത്തിയ സ്വാതന്ത്ര്യ പോരാട്ടത്തിന്റെ ഇതിഹാസ നായകന്‍ നെല്‍സണ്‍ മണ്ടേലയുടെ അതെ പേരിലുള്ള ആത്മകഥയെ ആസ്പദമാക്കി വില്ല്യം നിക്കോള്‍സണ്‍ തിരക്കഥ എഴുതിയ ചിത്രത്തില്‍ ബ്രിട്ടീഷ് നടന്‍ ഇദ്രീസ് എല്‍ബാ മണ്ടേലയെ അവതരിപ്പിക്കുന്നു. ഇരുപതാം നൂറ്റാണ്ടിന്റെ ആദ്യ ദശകങ്ങളില്‍ (മണ്ടേലയുടെ ജനനം 1918- ജൂലൈ 8-ന് ആയിരുന്നു) വര്‍ണ്ണ വിവേചനം കൊടുമ്പിരിക്കൊണ്ട നാളുകളില്‍ സൗത്ത് ആഫ്രിക്കയിലെ ഒരു ഗ്രാമത്തില്‍ ജനിച്ച മണ്ടേലയുടെ കുട്ടിക്കാലവും സ്വാതന്ത്ര്യ ബോധത്തിലേക്ക്‌ അന്നേ ഉണര്‍ന്നു വരാനിടയായ ഗോത്ര നിഷകര്‍ഷകളുടെയും ശിക്ഷണങ്ങളുടെയും നാളുകളും മുതലാണ്‌ ചിത്രം ആരംഭിക്കുന്നത്. ചിത്രത്തില്‍ മിക്ക ഭാഗങ്ങളിലും മണ്ടേലയുടെ സ്വന്തം ശബ്ദമാണ് ശബ്ദ സാന്നിധ്യ (voice-over) മാവുന്നത്. ആഫ്രിക്കന്‍ നാഷണല്‍ കൊണ്ഗ്രസ്സി (ANC) ലെയ്ക്കും സ്വാതന്ത്ര്യ സമരങ്ങളുടെ മുന്നണിയിലേക്കുമുള്ള മണ്ടേലയുടെ കടന്നുവരവും, ഇരുപത്തേഴു വര്‍ഷം നീണ്ടു നിന്ന കാരാഗൃഹ വാസവും ചിത്രത്തില്‍ തീവ്രമായി അവതരിപ്പിക്കുന്നുണ്ട്.

വിന്നീ മണ്ടേല (നവോമി ഹാരിസ്) യുമായുള്ള പ്രണയവും വിവാഹവും കുടുംബവുമായുള്ള ഊഷ്മള ബന്ധവുമൊക്കെ കടന്നു വരുമ്പോഴും, ആരെയും കാണാനോ, ആരോടും എഴുത്തിലൂടെ പോലും ബന്ധം സ്ഥാപിക്കാനോ കഴിയാതെ പോയ ജയില്‍ ജീവിതകാലത്തും തന്റെ സ്വാതന്ത്ര്യമല്ല, ദക്ഷിണാഫ്രിക്കയിലെ മുഴുവന്‍ കറുത്ത വര്‍ഗ്ഗക്കരന്റെയും സ്വാതന്ത്ര്യമാണ് വിഷയം എന്ന് ഊന്നിപ്പറഞ്ഞ വിപ്ലവകാരിയെ ചിത്രത്തില്‍ കാണാം. അത് ഉറപ്പു വരുത്താന്‍ കഴിയാത്ത കാലത്തോളം തനിക്കു മാത്രമായി സ്വാതന്ത്ര്യം ആവശ്യമില്ല എന്ന മണ്ടേലയുടെ ഉറച്ച നിലപാടാണ് അപ്പാര്‍ത്തീഡ് ഗവണ്മെന്റിനെ ഒടുവില്‍ കറുത്ത വര്‍ഗ്ഗക്കരുമായി അധികാരം പങ്കിടുക എന്ന പരിഹാരത്തിലേക്കും മണ്ടേലയുടെ മോചനത്തിലേക്കും നിര്‍ബന്ധിതരാക്കുന്നത്. വിന്നിയുമായി അഭിപ്രായ വ്യത്യാസത്തിലേക്കും തുടര്‍ന്ന് വിവാഹ മോചനത്തിലേക്കും എത്തിക്കുന്നത് അക്രമാസക്തമായ നിലപാടുകളോട് പുറം തിരിയാനുള്ള മണ്ടേലയുടെ തീരുമാനം കൂടിയാണ്.

മണ്ടേലയുടെ എന്നത് പോലെ തന്നെ ആ കാലഘട്ടത്തിന്റെ കൂടി കഥയാണ്‌ ചിത്രം പറയുന്നത്. സുദീര്‍ഘമായ ജയില്‍ വാസ കാലത്തും പുറത്തു നാട്ടില്‍ നടക്കുന്ന തുടിപ്പുകളൊക്കെയും അദ്ദേഹത്തിന്റെ ജീവിതത്തിന്റെ ഭാഗമായിരുന്നു എന്നത് കൊണ്ട് തന്നെയാണ് അതൊക്കെയും തീവ്രമായിത്തന്നെ ചിത്രത്തില്‍ കടന്നു വരുന്നത്. പ്രസ്ഥാനത്തിന്റെയും അത് നടത്തിക്കൊണ്ടിരുന്ന സമരങ്ങളുടെയും തുടര്‍ച്ച തന്നെയായിരുന്നല്ലോ അദ്ദേഹത്തിന്റെ ജയില്‍ മോചനാനന്തര കാലത്തെയും നിര്‍വ്വചിച്ചത്. ചരിത്രം അത് ജീവിച്ചവര്‍ക്ക് മാത്രമല്ല, അതിന്റെ പിന്‍തുടര്‍ച്ചക്കാര്‍ക്ക് കൂടിയുള്ളതാണ് എന്നതാണ് ഓരോ ചരിത്ര പുരുഷനും ചരിത്ര സന്ധിയും നല്‍കുന്ന പാഠവും.

ചിത്രത്തില്‍ നിരൂപകര്‍ ഏറ്റവും കൂടുതല്‍ വാഴ്ത്തിയ ഘടകം ഇദ്രിസ് എല്‍ബയുടെ അഭിനയം തന്നെയാണ്. വിന്നിയായി അഭിനയിച്ച നവോമി ഹാരിസും ഏറെ പ്രശംസ നേടുകയുണ്ടായി.

(സിനോപ്സിസിന് കടപ്പാട് Movietalks)

Download Link

Mandela: Long Walk to Freedom (2013) Opensubtitles
Mandela: Long Walk to Freedom (2013) DropBox

The Good, The Bad The Ugly (1966) - ദ ഗുഡ്, ദ ബാഡ് ദ അഗ്ലി (1966)

എംസോണ്‍ റിലീസ് - 92

The Good, The Bad The Ugly (1966)  

ദ ഗുഡ്, ദ ബാഡ്  ദ അഗ്ലി (1966) 

ഭാഷ : ഇംഗ്ലീഷ്

പരിഭാഷ : ശ്രീധർ

Translation : Sree Dhar
Frame rate : 23.976 FPS

Running time : 178 minutes (2:58:42)
#info : 80BC9D85B81180BF0DA309B3F9B899B4DB8B8095

കൌബോയ് വെസ്റ്റേണ്‍ ശൈലി ഒരു തരങ്കമാക്കി മാറ്റിയ ചിത്രം. അമേരിക്കയിലെ ആഭ്യന്തരയുദ്ധകാലത്ത് ഒരു നിധിക്ക് വേണ്ടിയുള്ള 3 പേരുടെ പോരാട്ടത്തിന്റെ കഥയാണ് ഈ ചിത്രത്തിൽ പറയുന്നത്. പട്ടാളത്തിന്റെ കയ്യിൽ നിന്നും കൊള്ളയടിക്കപ്പെട്ട ഒരു ഒരു പണപ്പെട്ടി ഇരിക്കുന്ന സ്ഥലം അന്വേഷിച്ചു അമേരിക്കൻ ആഭ്യന്തര യുദ്ധത്തിനിടയിൽ പരസ്പര വിശ്വാസമില്ലാത്ത ബ്ലോണ്ടി (ദ ഗുഡ്), എയ്ഞ്ചൽ ഐസ് (ദ ബാഡ്) ടുകോ (ദ അഗ്ലി) എന്ന മൂന്നു പേർ നടത്തുന്ന ഒരു സംഭവ ബഹുലമായ യാത്രയെ കുറിച്ചാണ് ഈ ചിത്രം.
ദീർഘകാലമായി IMDB Top 250 യിൽ 6 ആം സ്ഥാനം.

സംവിധാനം : സേർജിയോ ലിയോണി
അഭിനേതാക്കൾ : ക്ലിന്റ് ഈസ്റ്റ്‌വുഡ്, ലീ വാൻ ക്ലിഫ്, ഇലായി വാല്ലാഷ്

Download link 
The Good, The Bad and The Ugly (1966) Opensubtitles

The Good, The Bad and The Ugly (1966) DropBox

The Band's Visit (2007) ദ ബാന്‍ഡ്സ് വിസിറ്റ് (2007)

എം-സോണ്‍ റിലീസ് - 88

The Band's Visit (2007)
ദ ബാന്‍ഡ്സ് വിസിറ്റ് (2007)

അലക്സാണ്ട്രിയാ പോലീസിന്റെ ഒരു ബാന്‍ഡ് സംഘം ഇസ്രായേലിലെ ഒരു വിദൂരഗ്രമത്തില്‍ പ്രോഗ്രാം അവതരിപ്പിക്കനായി എത്തുന്നു, പക്ഷെ അവരെ സ്വീകരിക്കുവാന്‍ ആരും എയര്‍പോര്‍ട്ടിലെത്തിയില്ല. സ്വയം ആ സ്ഥലത്തേക്ക് യാത്ര ചെയ്യാന്‍ ബാന്‍ഡ് സംഘം തീരുമാനിക്കുന്നു. ആശവിനിമിയത്തിലെ അപാകതകള്‍ കാരണം  വിജനമായ മറ്റൊരു സ്ഥലത്താണവര്‍ എത്തിപ്പെടുന്നത്.  തദ്ധേശിയരായ ചിലരോടൊപ്പം കഴിയാന്‍ അവര്‍ നിര്‍ബന്ധിതരാവുന്നു. ഇത്രയും ചെറിയൊരു വിഷയം, ലളിതവും എന്നാല് ശ്രവണസുന്ദരവുമായ പശ്ചാത്തലസംഗീതത്തിന്റെ അകമ്പടിയോടെ, അഭ്രപാളികളില്‍ വരച്ചിട്ട മനോഹരമായ ഒരു ചലചിത്രകാവ്യമാക്കാന്‍  The Bands Visit (Bikur Ha-Tizmoret) എന്ന ചിത്രത്തിലൂടെ സംവിധായകന്‍ Eran Kolirin- നു സാധിച്ചിരിക്കുന്നു.

ഇസ്രയേല്‍-അറബ് സംഘര്‍ഷങ്ങളും രാഷ്ട്രീയവുമൊന്നും  ഈ സിനിമ ചര്‍ച്ച ചെയ്യുന്നില്ല. മറിച്ച് അതിര്‍ത്തിയും ഭാഷയും ഏതുമായിക്കോട്ടെ, അടിസ്ഥാനപരമായി മനുഷ്യസ്വഭാവങ്ങള്‍ ഒന്നു തന്നെയാണെന്ന്  തെളിയിക്കാനാണ് സിനിമ ശ്രമിക്കുന്നത്

പരിഭാഷ  : ശിവപ്രസാദ്. കെ

സമയദൈര്‍ഘ്യം :  87  മിനിട്ട്
FPS  : 23.976
# Info  :a5754e68e9ead9b2bbabac6d95923941d8a1c1f1

Download Link
The Band's Visit (2007)Opensubtitles
The Band's Visit (2007) Dropbox

12 Years a Slave (2013) 12 ഇയേഴ്‌സ് എ സ്ലെയ്‌വ് (2013)

എം-സോണ്‍ റിലീസ് - 87

12 Years a Slave (2013)
12 ഇയേഴ്‌സ് എ സ്ലെയ്‌വ് (2013)

2013ൽ മികച്ച ചിത്രത്തിനുള്ള ഓസ്‌കർ അവാർഡ് ലഭിച്ച ചിത്രമാണ് 'റ്റ്വൽവ് ഇയേഴ്‌സ് എ സ്ലെസ്ലെയ്‌വ്' (Twelve years a slave). മികച്ച ചിത്രത്തിനുള്ള ഓസ്‌കർ അവാർഡ് നേടുന്ന ആദ്യത്തെ കറുത്ത വർഗക്കാരനാണ് സ്റ്റീവ് മക്വീൻ. രോഷവും വേദനയുമടക്കി, തന്റെ സംഗീതോപകരണത്തെ മറന്ന്, പുറംലോകത്തെ മാറ്റങ്ങളറിയാതെ 12 വർഷക്കാലം അടിമ ജീവിതം നയിക്കെണ്ടിവന്ന കർഷകനും വയലിനിസ്റ്റുമായ സോളമൻ നോർത്തപ്പിന്റെ ജീവിതരേഖയാണ് ഈ ചിതം വരച്ചുകാട്ടുന്നത്.

സോളമൻ 32ാമത്തെ വയസ്സിലാണ് അടിമച്ചന്തയിലേക്ക് വലിച്ചിഴക്കപ്പെട്ടത്. സരട്ടോഗ പട്ടണത്തിലായിരുന്നു അയാളും കുടുംബവും. മെച്ചപ്പെട്ട ഒരു ജീവിതം കാംക്ഷിച്ചാണ് അയാൾ സർക്കസ് കമ്പനിയിൽ ചേരാൻ വാഷിങ്ടണിലേക്ക് പോകുന്നത്. അതൊരു ചതിയായിരുന്നു. അത് തിരിച്ചറിയുമ്പോഴേക്കും സോളമന് സ്വന്തം പേരുപോലും നഷ്ടപ്പെട്ടിരുന്നു. പ്ലാറ്റ് എന്ന അപരനാമത്തിലായി അവിടുന്നങ്ങോട്ട് അയാളുടെ ജീവിതം. എഴുത്തും വായനയും അറിയാമെന്ന വെളിപ്പെടുത്തൽ പോലും അപകടമായിരുന്നു. എന്നെങ്കിലും ഏതെങ്കിലും രക്ഷകൻ വരുന്നതും കാത്ത് അയാളിരുന്നു. അപ്പോഴും, അനീതിയോട് പൊരുതാനുള്ള ശേഷി അയാൾ ആർക്കും അടിയറ വെച്ചില്ല. മനസ്സിലെ സംഗീതവും അയാളെ ജീവിക്കാൻ പ്രേരിപ്പിച്ചു.

വളരെ വൈകാരികമായാണ് സംവിധായകൻ ഇതിവൃത്തത്തെ സമീപിക്കുന്നത്. വലിയൊരു ജനത അനുഭവിച്ച യാതനയെ അതിന്റെ എല്ലാ കാഠിന്യത്തോടെയും ചിത്രീകരിക്കുന്നു അദ്ദേഹം. അടിമയുടെ പുറത്ത് പുളഞ്ഞുവീഴുന്ന ഓരോ ചാട്ടവാറടിയുടെയും ശബ്ദം നമ്മളെ ഞെട്ടിക്കുന്നു. ആ ഞെട്ടലിൽ പ്രാകൃതമായ ഒരു ഭൂതകാലത്തിലേക്കാണ് നമ്മൾ ചെന്നുവീഴുന്നത്. ചോരയും കണ്ണീരും വീണ കരിമ്പിൻതോട്ടങ്ങളും പരുത്തിപ്പാടങ്ങളും എല്ലാറ്റിനും മൂകസാക്ഷിയായി നിൽക്കുന്നു. ആത്മാഭിമാനം വെടിയാതെ പൊരുതിനിൽക്കുന്ന സോളമൻ നോർത്തപ്പിന്റെ എതിർപ്പിന്റെ സ്വരംമാത്രം ഇടയ്ക്ക് നമുക്ക് കേൾക്കാം.

1853 ജനവരി മൂന്നിന് അടിമജീവിതത്തില്‍ നിന്ന് വിമോചിതനായ അദ്ദേഹം തന്റെ യാതനാജീവിതം പുറംലോകത്തെത്തിക്കുകയാണ് ആദ്യം ചെയ്തത്. വിമോചിതനായ കൊല്ലം തന്നെ Twelve years a slave പുസ്തകം പ്രസിദ്ധീകരിച്ചു. 1853ൽ പ്രസിദ്ധീകരിച്ച 'റ്റ്വൽവ് ഇയേഴ്‌സ് എ സ്ലെയ്‌വ് ' എന്ന പുസ്തകത്തിന്റെ ഇതിഹാസ മാനമാണ് തന്നെ ഏറ്റവുമധികം ആകർഷിച്ചതെന്ന് സ്റ്റീവ് മക്വീൻ പറയുന്നു. അടിമസമ്പ്രദായത്തിന്റെ വിശദാംശങ്ങൾ, അതിജീവനത്തിനായുള്ള മനുഷ്യന്റെ തളരാത്ത പോരാട്ടം, കടുത്ത ജീവിതസാഹചര്യങ്ങളിലും കൈവിടാത്ത മാനവികത-ഇതെല്ലാമുണ്ട് സോളമന്റെ അനുഭവസാക്ഷ്യത്തിൽ.

വിശദമായ റിവ്യൂവിന്  ടി സുരേഷ് ബാബുവിന്റെ  ബ്ലോഗ്‌ സന്ദര്‍ശിക്കുക.


പരിഭാഷ : ആര്‍. മുരളീധരന്‍.
സഹായം : പി. പ്രേമചന്ദ്രന്‍.

സമയദൈര്‍ഘ്യം : 134  മിനിട്ട്
FPS : 23.976
# Info :4ADC19F35034A29A4A284FB7EF971F9684349ECD


Download Link
12 Years a Slave (2013)Opensubtitles
12 Years a Slave (2013) Dropbox